Name: Oily Skin Ke Liye Sasti Cream | Skincare Tips
Uploaded: 2026-02-04T12:10:00.038346+05:30
Duration: 4 min 55 s
Channel: Sristy Dutta

New update

Sristy Dutta

Dekho Seekho app ka naya video jahan hum baat karenge oily skin ke liye moisturizer ke mahatv ke baare mein. Agar aapki skin oily hai to ye video aapke liye hai. Hum samjhaenge ki kyun moisturizer lagana zaroori hai, kaise yeh oil control karta hai aur pimples ko kam karta hai. Saath hi, janenge ki din ya raat mein moisturizer kaise lagaye aur kaun sa moisturizer best hai oily skin ke liye. Feedback zaroor share karein aur video ko like karein agar aapko ye video pasand aaye. Seekho aur aage bado!
 
Sun lo dhyaan se. Agar aapki skin oily hai aur aap moisturizer lagana avoid kar rahe ho na, toh aap apni skin ke saath sabse badi galti kar rahe ho. Kyunki jo aap soch rahe ho, wo bilkul ulta kaam kar raha hai. Aaj main aapko simple bhasha mein samjhaungi ki oily skin ko moisturizer kyun chahiye, aur kaise ye hi cheez aapki oil problem aur acne dono ko dheere dheere theek kar sakti hai.

Agar aapki skin oily hai, toh aap samajh sakte ho main kya bol rahi hoon. Subah face wash karo, face ekdum fresh lagta hai. Par 5–10 minute baad hi face phir se chamakne lagta hai, chipchipa ho jaata hai. Makeup lagao toh wo tikta hi nahi, foundation slide ho jaata hai, compact patchy ho jaata hai. Photos mein face greasy dikhta hai, glow nahi aata. Aur sabse irritating baat ye hoti hai ki chahe jitna bhi face clean kar lo, tel wapas aa hi jaata hai. Isliye dimaag mein ek hi thought aata hai – “Bas aur zyada wash karna hai, aur zyada oil nikaalna hai.”

Aur yahin par hum sabse badi galti karte hain. Jaise hi face oily hota hai, hum strong face wash use karte hain, din mein 3–4 baar muh dho lete hain, kabhi-kabhi toh soap tak laga dete hain. Hume lagta hai jitni zyada dryness aayegi, utni skin better ho jaayegi. Par sach iska bilkul ulta hai. Jab aap apni skin se natural oil nikaal dete ho, toh skin panic mode mein chali jaati hai. Skin sochti hai, “Mere upar oil nahi hai, hydration nahi hai, main unsafe hoon.” Balance banane ke liye skin aur zyada oil banana shuru kar deti hai.

Isliye aap notice karte ho ki face wash karne ke 5–10 minute baad hi face phir se oily ho jaata hai. Aap bolte ho, “Maine toh face wash kiya, phir bhi tel kyun aa gaya?” Iska reason ye hai ki aapki skin apna lost oil replace kar rahi hoti hai. Aur jab ye extra oil banta hai, toh pores clog ho jaate hain. Phir blackheads, whiteheads, acne, pimples aane lagte hain. Aur phir aap aur zyada face wash karte ho, aur zyada dryness laate ho, aur skin aur zyada oil banati hai. Ye ek aisa circle ban jaata hai jisse nikalna mushkil ho jaata hai.

Ab yahan ek aur baat hoti hai jo almost har oily skin wala bolta hai. “Mujhe moisturizer suit hi nahi karta. Jo bhi lagata hoon, face aur zyada greasy ho jaata hai.” Aur honestly, ye baat thodi si sahi bhi hai. Kyunki zyada tar log galat type ka moisturizer use kar rahe hote hain. Heavy cream, thick texture, ya oily base wali cream oily skin ke liye nahi hoti. Isliye jab wo lagate ho, face chipchipa, chamakdaar aur uncomfortable lagta hai. Aur phir aap decide kar lete ho ki moisturizer hi problem hai.

Par sach ye hai ki oily skin ko moisturizer sabse zyada chahiye. Jab aap moisturizer lagate ho, skin ko signal milta hai ki upar hydration aur protection hai. Skin relax ho jaati hai. Skin bolti hai, “Theek hai, mujhe aur oil banane ki zarurat nahi.” Dheere dheere oil production control mein aane lagta hai. Matlab moisturizer lagane se tel kam hota hai, badhta nahi.

Ab ek cheez jo bahut log notice karte hain aur ghabra jaate hain. Jab wo pehli baar moisturizer lagana start karte hain, toh unki skin thodi dull ya dark dikhti hai. Aur wo bolte hain, “Dekho, moisturizer lagate hi meri skin ka colour dark ho gaya.” Par asal mein hota kya hai? Oily skin walon ka skin barrier pehle se hi damaged hota hai, kyunki wo zyada face wash aur scrubbing kar chuke hote hain. Upar dead skin cells ki uneven layer hoti hai. Jab aap moisturizer lagate ho, toh wo layer zyada visible ho jaati hai, isliye skin thodi dull dikhti hai.

Par jaise jaise aap roz moisturizer lagate ho, skin hydrate hone lagti hai, skin barrier repair hone lagta hai, dead skin smooth hone lagti hai. 1–2 hafte ke andar aap khud notice karoge ki jab aap moisturizer lagate ho, toh skin dark nahi balki bright aur healthy dikhti hai. Face soft lagta hai, smooth lagta hai, aur wo greasy shine nahi hoti jo pehle hoti thi. Starting mein thoda ajeeb lag sakta hai, par patience rakho.

Ab baat karte hain ki lagana kaise hai. Agar aap subah moisturizer laga sakte ho aur aapko greasy feeling se problem nahi hai, toh bahut achhi baat hai. Subah face wash ke baad halka sa moisturizer lagao, phir sunscreen lagao. Par agar aapko din mein chipchipa feel pasand nahi hai, toh koi tension nahi. Aap sirf raat ko bhi moisturizer laga sakte ho. Raat ko face wash karo, face thoda sa damp chhod do, aur uske upar moisturizer laga do. Raat bhar skin repair hoti rahegi, aur subah uthke face zyada balanced aur kam oily lagega.

Ab aate hain main baat par – kaunsa moisturizer use karein. Kyunki mujhe pata hai aapko sasta bhi chahiye, effective bhi chahiye, aur greasy bhi na ho. Sabse pehla option hai Acne Moisturizer. Ye oily aur acne-prone skin ke liye banaya gaya hai, lightweight hai, pores clog nahi karta aur hydration deta hai bina chipchipepan ke. Doosra option hai Aquasoft. Ye simple, affordable aur gentle moisturizer hai jo skin ko hydrate karta hai bina heavy feel ke. Aur teesra, jo main khud use kar rahi hoon, wo hai Derma Co Deep Hydrating Moisturizer for Dry to Super Dry Skin. Naam sunke mat darna. Ye oily skin walon ke liye bhi raat mein bahut achha kaam karta hai, kyunki ye skin barrier ko repair karta hai aur deep hydration deta hai bina pores block kiye.

Toh agar aaj tak aap ye soch rahe the ki oily skin ko moisturizer nahi chahiye, toh aaj se apni ye galatfahmi tod do. Oily skin ko moisturizer chahiye, roz chahiye, patience ke saath chahiye. Jab aap apni skin ko hydration doge, tab hi wo aapko kam oil, kam acne aur better glow degi.

Agar apko koi bhi sawal puchna hai to feedback pe likho aur agar aap moisturiser istemal karne wale ho to likho haa.. aur agar video achi lagi ho to like zaroor kar dijiye

Seekho aage badho

 
 
Explore essential skin care tips on the Seekho Official Show! This video is a must-watch for individuals with oily skin struggling with moisturization. Learn why skipping moisturizer is a mistake and how the right type of moisturizer, not heavy or oily-based, is crucial. Understand how over-cleansing can strip natural oils, leading to more oil production and skin issues like pimples and blackheads. Discover how moisturizing helps signal your skin to stay balanced, reducing oiliness and improving overall skin appearance. Join us to gain insights on applying moisturizer correctly, choosing the right product, and achieving brighter, healthier skin.

Oily Skin Ke Liye Sasti Cream

Dekho Seekho app ka naya video jahan hum baat karenge oily skin ke liye moisturizer ke mahatv ke baare mein. Agar aapki skin oily hai to ye video aapke liye hai. Hum samjhaenge ki kyun moisturizer lagana zaroori hai, kaise yeh oil control karta hai aur pimples ko kam karta hai. Saath hi, janenge ki din ya raat mein moisturizer kaise lagaye aur kaun sa moisturizer best hai oily skin ke liye. Feedback zaroor share karein aur video ko like karein agar aapko ye video pasand aaye. Seekho aur aage bado!
 
Explore essential skin care tips on the Seekho Official Show! This video is a must-watch for individuals with oily skin struggling with moisturization. Learn why skipping moisturizer is a mistake and how the right type of moisturizer, not heavy or oily-based, is crucial. Understand how over-cleansing can strip natural oils, leading to more oil production and skin issues like pimples and blackheads. Discover how moisturizing helps signal your skin to stay balanced, reducing oiliness and improving overall skin appearance. Join us to gain insights on applying moisturizer correctly, choosing the right product, and achieving brighter, healthier skin.

Oily Skin Ke Liye Sasti Cream

3 Step Mein Pao Glowing Skin

Ise Roz Lagao Aur Glow Pao

Underarms Whitening Cream Under 150₹

Chamakdar Skin Ek Raat Mein Kaise?

Chehre Ko Gora Banana Mumkin Hain?

Korean Glass Skin Pao Ghar Pe

Doodh Se Aayega Chehre Pe Noor

Sirf ₹20 Mein Clear Skin

Ek Raat Mein Sundar Twacha Pao

Is Galti Se Chehra Kharab

Skin Banegi Bilkul Glass Jaisi

Celebrities Chehre Par Kya Lagate Hain?